ملزمان کے قبضے سے 5 لاکھ جعلی ڈالربرآمد ہوئے(فوٹو، سوشل میڈیا)
ریاض پولیس نے جعلی ڈالر پھیلانے کے الزام میں دو افراد کو گرفتار کر کے انکے قبضے سے 5 لاکھ جعلی امریکی ڈالر برآمد کر لیے۔
سعودی خبررساں ایجنسی ’ایس پی اے ‘ نے ریاض پولیس کے ترجمان کرنل شاکر التویجری کے حوالےسے بتایا کہ پولیس کو اطلاع ملی تھی کہ نامعلوم افراد ڈالر انتہائی ارزاں نرخوں پر فروخت کر رہے ہیں۔
پولیس حکام کے مطابق اطلاع دینے والے نے شک کا اظہار کیا تھا کہ ڈالر جعلی بھی ہو سکتے ہیں۔
ملزمان میں ایک سعودی جبکہ دوسرا اردنی شہری ہے(فوٹو، سوشل میڈیا)
اطلاع ملتے ہی پولیس نے ملزمان کی تلاش شروع کردی ۔ خفیہ پولیس کی ٹیم جلد ہی ملزمان تک پہنچنے میں کامیاب ہو گئی اور خفیہ ٹیم نے ملزمان کو گرفتار کر لیا۔
