امارات میں کورونا ٹیسٹ 30 لاکھ سے زیادہ

 متحدہ عرب امارات میں  جمعے کو کوویڈ 19  کے 393 نئے کیسز ریکارڈ پر آئے ہیں جبکہ 755 افراد صحت یاب ہوئے ہیں۔

اماراتی وزارت صحت کی جانب سے ٹوئٹر پر جاری اعداد وشمار کے مطابق نئے کیسز کے بعد متاثرین کی کل تعداد 44 ہزار 145 ہوگئی ہے ۔ مزید دو اموات ہوئی  ہیں۔ کورونا سے مرنے والوں کی مجموعی تعداد ہوگئی۔

وزارت صحت کے بیان میں کہا گیا کہ پچھلے چوبیس گھنٹے کے دوران 38 ہزار اضافی کورونا ٹیسٹ کیے جانے کے بعد نئے مریض سامنے آئے ہیں۔ ان کا علاج کیا جا رہا ہے۔

یو اے ای میں وزارت کورونا وائرس کے ٹیسٹ کا دائرہ وسیع کرنے کے ساتھ متاثرہ افراد کے ضروری علاج کے لیے مسلسل کوشش کررہی ہے۔

یاد رہے کہ متحدہ عرب امارات نے ریکارڈ وقت میں تیس لاکھ سے زیادہ کورونا ٹیسٹ کیے ہیں۔ امارات کے حکام نے بڑی تعداد میں شہریوں اور مقیم غیر ملکیوں کی سکریننگ کے لیے پرعزم ہے اور روزانہ  کی بنیادوں پر کیے جانے والےٹیسٹ 25 ہزار سے بڑھ کر 40 ہزار ہو گئےہیں۔

ادھر کویت میں جمعے کو کورونا وائرس کے 604 نئے مریض سامنے آئے ہیں۔ متاثرین کی کل تعداد38 ہزار 678 ہوگئی۔

نئے کیسز میں 313 کویتی شہری جبکہ دیگر غیرملکی ہیں ان کا تعلق مختلف ملکوں سے ہے۔

کویتی وزارت صحت کےترجمان نے بیان میں کہا کہ پچھلے چوبس گھنٹے کے دوران پانچ افراد ہلاک ہوئے۔ اب تک کورونا سے مرنے والے 313 ہوگئے۔

کویت میں ایکٹیو کیسز کی تعداد 8 ہزار 175 ہے جس میں 193 انتہائی نگہداشت یونٹ میں زیرعلاج ہیں۔

جمعے کو مزید 678 مریض صحت یاب ہوئے۔ شفا یاب ہونے والوں کی تعداد 30 ہزار 190ہوگئی ہے۔ 

وزارت صحت کے ترجمان نے شہریوں اور مقیم غیر ملکیوں سے پھر کہا کہ وہ احتیاطی تدابیر اور سماجی فاصلے کے اصول پر عمل کریں۔