پارکوں میں کورونا سے کیسے محفوظ رہیں؟

سعودی وزارت داخلہ نے نئے کورونا وائرس سے بچاؤ کے لیے پارکوں اور ساحلوں سمیت تمام کھلے تفریحی مقامات کے لیے صحت ضوابط کا اعلان کیا ہے۔ 

سبق ویب سائٹ  کے مطابق وزارت نے اس حوالے  سے گائیڈ بک جاری کرکے  قواعد و ضوابط  کے بارے میں بتایا ہے۔

گائیڈ بک میں کہا گیا کہ سماجی فاصلہ ڈیڑھ سے دو میٹر تک رکھا جائے۔ اس کے لیے انتظار گاہوں، دروازوں، ٹکٹ کاؤنٹرز، کھانے پینے کی اشیا فروخت کرنے والے مقامات اور واش رومز میں فاصلے کی علامتیں یا فرش پر نشانات بنائے جائیں۔

کرسیاں یا بیٹھنے یا کھڑے ہونے کی جگہوں پر ڈیڑھ سے دو میٹر کے فاصلے کی پابندی کے نشانات بنائے جائیں۔

پارکوں، تفریحی مقامات اور سیر سپاٹے  کی جگہوں پر بچوں کو کھیلنے سے روکا جائے-

کھیل کے مشترکہ مقامات پر بچوں کے لیے جھولوں کی جگہیں کھولتے وقت ہر دو گھنٹے  پر اس حصے کو سینیٹائز کیا جائے اور بھیڑ نہ ہونے دی جائے۔

تفریحی مقامات  پر سائیکلیں صحرائی، موٹر سائیکلیں کرائے پر دی جاسکتی ہیں تاہم استعمال کرنے والے ایک دوسرے کے قریب نہ جائیں۔ ایک صحرائی موٹر سائیکل صرف ایک ہی شخص استعمال کرے اور دوسرے شخص کے  استعمال سے قبل اسے سینیٹائز کیا جائے۔

تفریحی مقامات پر ایسا کوئی پروگرام نہ کیا جائے جس میں میل ملاپ بڑھتا ہو یا ملنے جلنے کے امکانات زیادہ ہوجاتے ہوں۔

نمایاں مقامات پر ٹشو پیپرز فراہم کیے جائیں-

تفریحی مقامات کی پانی اور صابن سے صفائی کا دھیان رکھا جائے۔

واش رومز اور طہارت خانوں میں خود کار ٹونٹیاں لگائی جائیں-

واش رومز اور طہارت خانوں کی مسلسل صفائی اور انہیں سینیٹائز کرنے کااہتمام کیا جائے۔

خود کو اپ ڈیٹ رکھیں، واٹس ایپ گروپ جوائن کریں