صحت یاب ہونے والے افراد کی تعداد دو ہزار 466 رہی۔(فوٹو ایس پی اے)
سعودی عرب میں اتوار 16 اگست کو کورونا کے ایک ہزار 227 نئے کیسز سامنے آئے ہیں۔ متاثرین کی تعداد دو لاکھ 98 ہزار 542 ہوگئی ہے۔
سبق نیوز نے وزارت صحت کی جانب سے جاری اعداد و شمار کے حوالے سے بتایا کہ گذشتہ چوبیس گھنٹوں کے دوران 39 افراد ہلاک ہوئے۔ مجموعی ہلاکتوں کی تعداد 3 ہزار 408 ہوگئی۔
اتوار کو صحت یاب ہونے والے افراد کی تعداد دو ہزار 466 رہی۔ صحت یاب ہونے والے بڑھ کر دو لاکھ 66 ہزار 953 ہوگئی ہے۔
مملکت میں ایکٹیو کیسز کی تعداد 28 ہزار 181 ہے(فوٹو ایس پی اے)
اس وقت مملکت میں ایکٹیو کیسز کی تعداد 28 ہزار181 ہے جن میں ایک ہزار 774 انتہائی نگہداشت یونٹ میں زیرعلاج ہیں۔
اعداد و شمار کے مطابق سب سے زیادہ مریض ریاض میں سامنے آئے جن کی تعداد 76 ہے۔ جازان میں 57، جدہ 57، مکہ مکرمہ 56، بیش43، مدینہ منورہ 36، الحرجہ 35،الھفوف 34، ینبع 33، دمام 26، نجران 24 اورحائل میں 23 کیسز کی تصدیق ہوئی۔
سعودی عرب کے 12 شہروں میں ایک ایک شخص میں کورونا کی تصدیق ہوئی جبکہ 9 شہروں میں دو، دو، 15 شہروں میں تین، تین جبکہ 10 شہروں میں چار، چارمریض سامنے آئے ہیں۔
سب سے زیادہ مریض ریاض میں سامنے آئےہیں( فوٹو ایس پی اے)
کورونا احتیاطی تدابیر کے حوالے سے وزرات صحت کا کہنا ہے کہ سماجی فاصلے کا اصول انتہائی اہم ہے جس پر عمل کرنا سب کے لیے لازمی ہے۔ ہاتھوں کی صفائی کا خصوصی خیال رکھیں خاص طور پر جب بھی گھر سے باہر جائیں۔ واپسی پر سب سے پہلے 20 سیکنڈز تک ہاتھوں کو صابن سے اچھی طرح دھوئیں۔
'کورونا وائرس ہاتھوں کے ذریعے ہی نظام تنفس تک منتقل ہوتا ہے جس سے انسان اس مہلک مرض میں مبتلا ہو جاتا ہے۔'
