۔ متاثرین کی تعداد بڑھ کر تین لاکھ دو ہزار 302 ہوگئی ہے۔(فوٹو سبق)
سعودی عرب میں کورونا کے کیسز میں کمی کا سلسلہ جاری ہے۔ بدھ 19 اگست کو کورونا کے ایک ہزار 363 نئے کیسز سامنے آئے ہیں۔ متاثرین کی تعداد بڑھ کر تین لاکھ دو ہزار 302 ہوگئی ہے۔
سبق نیوز نے وزارت صحت کی جانب سے جاری اعداد و شمار کے حوالے سے بتایا کہ گذشتہ چوبیس گھنٹوں کے دوران 36 افراد ہلاک ہوئے۔ مجموعی ہلاکتوں کی تعداد 3 ہزار 506 ہوگئی۔
پچھلے چوبیس گھنٹے میں صحت یاب ہونے والے افراد کی تعداد ایک ہزار 180 رہی۔ شفا یاب ہونے والے بڑھ کر دو لاکھ 74 ہزار 91 ہوگئی ہے۔
اس وقت مملکت میں ایکٹیو کیسز کی تعداد 25 ہزار 89 ہے جن میں ایک ہزار 725 انتہائی نگہداشت یونٹ میں زیرعلاج ہیں۔
اعداد و شمار کے مطابق سب سے زیادہ مریض جازان میں سامنے آئے جن کی تعداد 109 ہے۔ مکہ مکرمہ میں 106، مدینہ منورہ 57، جدہ 56، حفر الباطن 52، ریاض 49، الھفوف 48،ابہا 49، ابوعریش 44، دمام 38، طائف 35 اور حائل میں 31 کیسز کی تصدیق ہوئی۔
سعودی عرب کے 18 شہروں میں ایک ایک شخص میں کورونا کی تصدیق ہوئی جبکہ 12 شہروں میں دو، دو، 12 شہروں میں تین، تین جبکہ 11 شہروں میں چار، چارمریض سامنے آئے ہیں۔
اس وقت مملکت میں ایکٹیو کیسز کی تعداد 25 ہزار 89 ہے(فوٹو ایس پی اے)
کورونا احتیاطی تدابیر کے حوالے سے وزرات صحت کا کہنا ہے کہ سماجی فاصلے کا اصول انتہائی اہم ہے جس پر عمل کرنا سب کے لیے لازمی ہے۔ ہاتھوں کی صفائی کا خصوصی خیال رکھیں خاص طور پر جب بھی گھر سے باہر جائیں۔ واپسی پر سب سے پہلے 20 سیکنڈز تک ہاتھوں کو صابن سے اچھی طرح دھوئیں۔
'کورونا وائرس ہاتھوں کے ذریعے ہی نظام تنفس تک منتقل ہوتا ہے جس سے انسان اس مہلک مرض میں مبتلا ہو جاتا ہے۔'
