زمزم مسجد نبوی تک کیسے پہنچایا جاتا ہے؟

مسجد نبوی کے  امور کی ذمہ دار ایجنسی مسجد نبوی تک زمزم پہنچانے میں کوشاں ہے، کورونا وائرس کے دوران ایجنسی  نے یہ کام جانفشانی کے ساتھ کیا ہے۔

مسجد الحرام سے مسجد نبوی تک روزانہ 421 کلومیٹر کی مسافت طے کرکے زمزم پہنچایا جاتا ہے، یہ 29 ٹینکروں کے ذریعے  150 ٹن روزانہ منتقل کیا جاتا ہے،یہ ٹینکر خاص اسٹیل کے ذریعے تیار کیے گئے ہیں،رمضان المبارک اورایام حج میں یہ 300 ٹن ہوجاتا ہے۔

ایجنسی یہ یقینی  بناتی ہے کہ زمزم منتقل  کرنے میں مکمل احتیاط برتی جائے اس کےلیے  زمزم بھرنے  اور  خالی کرنے کی جگہوں  پر بہترین انتظامات کیے  گئے ہیں،زمزم پہنچنے کے بعد اسے لیبارٹری  میں ٹیسٹ کیا جاتا ہے۔

زمزم جب ٹینکرز کے ذریعے  مدینہ منورہ پہنچتا ہے تو اسے  فیبر سے بنے ٹینکوں میں اسٹاک کردیا جاتا ہے یہ چار مرکزی ٹینک ہیں ہر ایک 230 مکعب میٹر ہے، ان کی چادریں فیبر سے بنائی گئی ہیں،اسی طرح ان ٹینکوں کے ساتھ تین مزید 400 مکعب میٹر کے ٹینک بھی بنائے گئے ہیں جہاں زمزم اور صاف پانی اسٹاک کیا جاتا ہے۔

ذخیرہ اندوزی کے مرحلے کے بعد زمزم کو سٹینلس سٹییل پائپوں کے ذریعے  ٹینکوں سے بھرنے والے مقامات پر منتقل کیا جاتا ہے۔

محکمہ آب پاشی کی جانب  سے کورونا وائرس کے دوران  ہسپتالوں کے عملے کےلیے 2400،طبی ٹیموں کے ملازمین کے لیے 1200 بوتلیں جبکہ سیکورٹی  اہلکاروں کےلیے14400 زمزم کی بوتلیں تقسیم کی گئی ہیں۔

حال ہی میں ایجنسی نے  مسجد نبوی میں 350 ہزار پانی کے ڈبے تقسیم کیے ہیں،اسی طرح مسجد نبوی میں  بڑے پیمانے پر صاف پانی بھی تقسیم کیا گیا ہے۔