جائزے میں امارات کے تمام علاقوں سے 48 ہزار 637 افراد نے حصہ لیا- (فوٹو الامارات الیوم)
اماراتی وزارت تعلیم و تربیت نے کہا ہے کہ 17 جنوری 2021 سے سکولوں کے دروازے طلبہ کے لیے کھول دیے جائیں گے- فروری کے تیسرے ہفتے تک تمام سکول طلبہ و اساتذہ کی موجودگی میں پوری طرح سے بحال ہو جائیں گے۔
الامارات الیوم کے مطابق وزارت تعلیم نے سکولوں میں طلبہ کی واپسی کا لائحہ عمل جاری کر دیا- تیسری جماعت تک کے طلبہ فروری کے تیسرے ہفتے میں سکول میں حاضری دیں گے- فروری کے پہلے ہفتے میں ساتویں اور آٹھویں جماعتوں کے طلبہ سکول پہنچنے لگیں گے-
36 فیصد والدین نے آن لائن تعلیم کے حوالے سے رائے دی- (فوٹو گلف نیوز)
وزارت تعلیم نے رائے عامہ کے جائزے کے نتائج جاری کر دیے- جائزہ سکول شروع کرنے سے قبل لیا گیا ہے- 48 فیصد والدین نے خواہش ظاہر کی کہ طلبہ سکول پہنچ کر تعلیم حاصل کریں- 36 فیصد نے آن لائن تعلیم کا رجحان ظاہر کیا جبکہ 16 فیصد نے ہائبرڈ تعلیم کا انتخاب کیا-
رائے عامہ کے جائزے میں امارات کے تمام علاقوں سے 48 ہزار 637 افراد نے حصہ لیا-
وزارت تعلیم نے تاکید کی ہے کہ سکولوں کے عملے طلبہ و طالبات کو نئے کورونا وائرس سے بچاؤ کے لیے مقرر تمام تدابیر کی پابندی کرنا ہوگی-
