عالمی دواساز کمپنیوں فائزر اور بائیو این ٹیک کی کورونا ویکسین کی دستیابی میں تاخیر کے بعد دبئی میں ویکسین لگانے کا عمل سست روی کا شکار ہو گیا ہے۔
خبر رساں ادارے ’اے ایف پی‘ کے مطابق سنیچر کے روز دبئی کے محکمہ صحت نے کہا تھا کہ فائزر کمپنی کے ویکسین کی ترسیل میں تاخیر کے اعلان کے بعد ویکسین لگانے کا عمل آہستہ کر دیا ہے۔
فائزر کمپنی نے جنوری کے وسط میں اعلان کیا تھا کہ بیلجیم میں واقع پلانٹ میں جاری تعمیراتی کام کے باعث ویکسین ایک ماہ کی تاخیر سے متعلقہ ممالک کو موصول ہوگی۔
مزید پڑھیں
-
کورونا ویکسین کب اور کیسے ملے گی؟Node ID: 520476 -
کورونا کی کتنی ویکسین تیار ہو چکیں اور کون سی ویکسین کتنی مؤثر؟Node ID: 527916 -
کورونا ویکسین کی پہلی خوراک کے لیے نیا شیڈولNode ID: 534221
متحدہ عرب امارات میں وسیع پیمانے پر ویکسین لگانے کا سلسلہ گزشتہ سال دسمبر میں شروع ہوا تھا۔
دبئی ہیلتھ اتھارٹی نے اپنے ٹوئٹر اکاؤنٹ پر اعلان کیا ہے کہ فائزر ویکسین کی پہلی خوراک لگانے کے حوالے سے شیڈول دوبارہ تیار کیا جا رہا ہے، جبکہ دوسری خوراک والوں کا شیڈول متاثر نہیں ہوگا۔
بیان میں واضح کیا گیا ہے کہ عالمی دواساز کمپنیوں نے ویکسین کو وسیع پیمانے پر تیار کرنے کا اعلان کیا ہے جس کی وجہ سے عارضی طور پر دنیا بھر میں ویکسین کی ترسیل متاثر ہوئی ہے۔
فائزر کمپنی کے بیلجیم میں واقع ویکسین کے پلانٹ کی پیداواری صلاحیت کو بڑھانے کے لیے پلانٹ میں تعمیراتی کام جاری ہے۔
ٹوئٹر پر جاری بیان میں مزید کہا گیا ہے کہ جن افراد کو ویکسین کی دوسری خوراک لگنی ہے وہ شیڈول کے مطابق ہی سنٹر جائیں۔
DHA is working on rescheduling the 1st dose of the COVID-19 Pfizer-BioNTech vaccine. Kindly note that the manufacturer has announced the expansion of the vaccine production capacity, which has temporarily affected several countries globally. pic.twitter.com/o3Bknk39uU
— هيئة الصحة بدبي (@DHA_Dubai) January 23, 2021
