’اسرائیلی وزیراعظم جمعرات کو امارات کے پہلے دورے پر ابوظبی پہنچیں گے‘
متحدہ عرب امارات اور اسرائیل کے درمیان سفارتی تعلقات کی بحالی کا معاہدہ اگست 2020 میں ہوا تھا (فوٹو: روئٹرز)
العربیہ ٹی وی نے بتایا ہے کہ اسرائیل کے وزیراعظم بنجامن نیتن یاہو جمعرات کو متحدہ عرب امارات کے اپنے پہلے دورے پر ابوظبی پہنچ رہے ہیں۔
عرب نیوز کے مطابق اسرائیل کے وزیراعظم نے کورونا وائرس کی وبا کی وجہ سے گذشتہ ماہ اپنا دورہ امارات ملتوی کر دیا تھا۔
اسرائیلی وزیراعظم کے دفتر اور متحدہ عرب امارات کی جانب سے فوری طور پر اس دورے کی تصدیق نہیں ہوئی ہے۔
اگست 2020 میں متحدہ عرب امارات اور اسرائیل کے درمیان سفارتی تعلقات کی بحالی کا معاہدہ ہوا تھا۔
متحدہ عرب امارات اور اسرائیل کے درمیان معاہدہ سابق امریکی صدر ڈونلڈ ٹرمپ، ابو ظہبی کے ولی عہد شیخ محمد بن زاید آل نہیان اور اسرائیلی وزیرِاعظم بنجمان نیتن یاہو کے درمیان مذاکرات کے نتیجے میں ہوا تھا۔
متحدہ عرب امارات کی کابینہ نے اسرائیل کے شہر تل ابیب میں سفارتخانہ کھولنے کی منظوری بھی دی تھی۔
دُبئی کے صحرا میں اسرائیلی ماڈل کا پہلا فوٹوشُوٹNode ID: 503876
اسرائیل اور امارات کا ہفتہ وار 28 پروازیں شروع کرنے کا اعلانNode ID: 511956
