مکہ کے 12 سو ہوٹل زائرین کے استقبال کے لیے تیار
’رمضان کے دوران ہوٹل، ٹرانسپورٹ، ریستوران اور شاپنگ کے شعبوں کو 3 ارب ریال کا منافع ہوگا‘ ( فوٹو: العربیہ)
مکہ میں تقریباً 1200 ہوٹلوں کی جانب سے رمضان کے سیزن کی تیاریاں کی جا رہی ہیں۔ ان زائرین کو خدمات پیش کرنے کے حوالے سے مسابقت کا پہلو نمایاں ہے جو یہ مہینہ بیت اللہ کے سائے میں گزارنا چاہتے ہیں۔
العربیہ نیٹ کے مطابق قومی کمیشن برائے حج و عمرہ کے نائب سربراہ اور مکہ میں ہوٹلز ایسوسی ایشن کے رکن ہانی العمیری نے کہا ہے کہ ’رمضان کے دوران ہوٹلوں میں بکنگ میں اضافے اور ٹرانسپورٹ، ریستوران اور شاپنگ کے شعبوں میں تجارتی سرگرمیاں بڑھ جانے کے قوی امکانات ہیں‘۔
’اعتمرنا ایپلی کیشن کے ذریعے اندرون ملک سے زائرین کی ایک بڑی تعداد مکہ کا رخ کرے گی‘۔
العمیری نے رمضان کے دوران ہوٹل، ٹرانسپورٹ، ریستوران اور شاپنگ کے سیکٹروں کے مجموعی منافع کا اندازہ تقریبا 3 ارب ریال لگایا ہے۔
مکہ میں 1200 سے زیادہ ہوٹل ہیں جن میں عالمی معیار کے 27 لاکھ سے زیادہ کمروں کی گنجائش ہے۔
انہوں نے باور کرایا کہ تمام ہوٹل صحت کے حوالے سے عائد شرائط لاگو کرنے کے پابند ہیں۔ ساتھ ہی تمام جگہوں کی صفائی اور سینیٹائزیشن کو بھی یقینی بنایا جا رہا ہے۔
مکہ: افطار دسترخوان اور سحری پروگرام ممنوعNode ID: 553231
رمضان اور عید الفطر کے دوران کورونا ایس او پیز کیا ہیں؟Node ID: 553246
