تبوک: ہموطن کا مفرور قاتل عادی مجرم نکلا

تبوک پولیس نے کہا ہے  کہ مقامی شہری کے مفرور قاتل کو گرفتار کرکے پبلک پراسیکیوشن کے حوالے کردیا گیا- عادی مجرم ہے-  اس سے قبل وہ ایک سعودی شہری کو جو عمر کے دوسرے عشرے میں تھا قتل کرچکا ہے-

سعودی خبررساں ادارے ایس پی اے کے مطابق تبوک پولیس کے ترجمان کرنل خالد الغبان نے بتایا کہ قتل کی واردات کرنے والا سعودی شہری ہے- عمر کے تیسرے عشرے میں ہے- اسے ابتدائی قانونی کارروائی کے بعد پبلک پراسیکیوشن کے حوالے کردیا گیا-

تبوک پولیس ترجمان  نے بتایا کہ اس نے قتل کی بھیانک واردات کی تھی جسے سن کر پورے علاقے میں رنج و غم اور شدید غصے کی لہر دوڑ گئی تھی- اس نے اپنے ہموطن کو قتل کرکے اس کے جسم کے ٹکڑے کرکے پلاسٹک کے تھیلوں میں رکھ کر پھینک دیا تھا- وحشیانہ واردات کی اطلاع پر پورا علاقہ مشتعل ہوگیا تھا-

واٹس ایپ پر سعودی عرب کی خبروں کے لیے ”اردو نیوز“ گروپ جوائن کریں