6 علاقوں میں 17 مساجد سینیٹائزنگ کے بعد بحال

سعودی عرب میں وزارت اسلامی امور و دعوت و رہنمائی نے 6 علاقوں میں عارضی طور پر بند کی جانے والی 17 مساجد کو سینیٹائزنگ کے بعد بحال کردیا گیا-

سبق ویب سائٹ کے مطابق وزارت اسلامی امور نے جمعرات کو بیان جاری کرکے کہا کہ جو 17 مساجد بند کی گئی تھیں وہ نمازیوں کے کورونا وائرس میں مبتلا پائے جانے پر دیگر نمازیوں کو وائرس لگنے سے بچانے کی خاطر کی گئی تھیں-

وزارت نے بتایا کہ گزشتہ  103 روز کے دوران 1240 مساجد کو سینیٹائز اور حفظان صحت کے انتظامات مکمل کرکے بحال کیا گیا-

وزارت اسلامی امور نے بتایا کہ جن  17 مساجد کو بحال کیا گیا ہے ان میں سے چھ کا تعلق مکہ  مکرمہ ریجن، چار کا  ریاض ریجن، تین کا باحہ ریجن، دو کا جازان ریجن اور ایک، ایک کا الشرقیہ اور حدود شمالیہ ریجنوں سے ہے-

وزارت اسلامی  امور نے تمام نمازیوں اور منتظمین سے پرزور اپیل کی کہ وہ مساجد جاتے وقت حفاظتی ماسک ضرور پہنیں- اپنی جا نماز ساتھ رکھیں اور اپنی اور دوسروں کی سلامتی کی خاطر سماجی فاصلے کی پابندی کریں-

واٹس ایپ پر سعودی عرب کی خبروں کے لیے ”اردو نیوز“ گروپ جوائن کریں