امارات میں کورونا کے دو لاکھ 25 ہزار ٹیسٹ، ایک ہزار 757 نئے کیسز
متاثرہ مریضوں میں سے مزید ایک ہزار 725 صحتیاب ہوئے ہیں۔(فائل فوٹو روئٹرز)
متحدہ عرب امارات میں بدھ کو پچھلے چوبیس گھنٹے میں کورونا کے ریکارڈ ایک ہزار 757 نئے مریضوں کی تصدیق ہوئی ہے۔
نئے مریض مختلف قومیت سے ہیں، ان سب کی حالت مستحکم ہے اور انہیں ضروری علاج فراہم کیا جارہا ہے۔ نئے کیسز کے بعد متاثرین کی تعداد بڑھ کر 5 لاکھ 61 ہزار 48 ہوگئی ہے۔
امارات کی سرکاری خبر رساں ایجنسی وام نے وزارت صحت کے حوالے سے بتایا کہ’ پچھلے چوبیس گھنٹے کے دوران جدید تشخیصی آلات کی مدد سے کورونا کے مزید 2 لاکھ 25 ہزار 954 ٹیسٹ کیے گئے ہیں‘۔
وزارت نے بتایا کہ’ وبا سے متاثرہ مریضوں میں سے مزید ایک ہزار 725 صحتیاب ہوئے ہیں۔ صحتیاب ہونے والوں کی تعداد بڑھ کر 5 لاکھ 40 ہزار 886 ہوگئی‘۔
بیان کے مطابق ’پچھلے چوبیس گھنٹے میں کورونا کے زیرعلاج مریضوں میں سے مزید تین چل بسے۔ وائرس سے مرنے والوں کی تعداد ایک ہزار 661 ہوگئی‘۔
وزارت نے عوام کو احتیاطی تدابیر اور سماجی سماجی فاصلے کی پابندی جاری رکھنے کی پھر ہدایت کی ہے۔
امارات میں کورونا کے نئے کیسز ڈیڑھ ہزار سے زیادہNode ID: 567646
امارات میں کورونا وائرس کے نئے کیسز پھر بڑھنے لگےNode ID: 568231
