عمارتوں میں بلڈنگ کوڈ کا نفاذ، اب کن چیزوں کی نگرانی ہو گی؟

سعودی عرب میں آج جمعرات سے ایسے نئے تعمیر ہونے والے مکانات میں جہاں ایک یا دو فیملی رہائش پذیر ہوں اور جو تین منزلہ سے زیادہ نہ ہو ان میں سعودی بلڈنگ کوڈ کا نفاذ ہوگا۔

سبق ویب سائٹ کے مطابق سعودی بلڈنگ کوڈ کے نفاذ سے ایک طرف مکانات کی حفاظت اور رہائشیوں کی سلامتی کے علاوہ بجلی و پانی  کے فضول استعمال کی روک تھام ہوگی۔

سعودی بلڈنگ کوڈ کے نظام کے نفاذ میں متعدد سرکاری ادارے شامل ہیں جن میں وزارت بلدیات و دیہی امور، وزارت توانائی، محکمہ شہری دفاع اور دیگر ادارے ہیں۔

سعودی بلڈنگ کوڈ کا نفاذ نجی وسرکاری زیر تعمیر عمارتوں پر بھی ہوگا جس میں تعمیرات کے تمام مراحل کی متعلقہ ادارے کی طرف سے نگرانی ہوگی۔

سعودی بلڈنگ کوڈ سے عمارتوں میں سلامتی کے اصولوں کا خیال رکھا جائے، صحت، ہوا اور روشنی کے علاوہ قدرتی آفات سے تحفظ کی تدابیر کی جائیں گی۔