امارات میں کورونا کے تین لاکھ کے قریب مزید ٹیسٹ، ایک ہزار 565 نئے کیسز

متحدہ عرب امارات میں سنیچر سترہ جولائی کو کورونا کے ایک ہزار 565 نئے کیسز کی تصدیق ہوئی ہے۔ متاثرین کی تعداد 6 لاکھ 59 ہزار 449 ہوگئی۔

نئے مریض مختلف قومیت سے ہیں، ان سب کی حالت مستحکم ہے اور انہیں ضروری علاج فراہم کیا جارہا ہے۔

امارات کی سرکاری خبر رساں ایجنی وام نے وزارت صحت کے حوالے سے بتایا کہ ’پچھلے چوبیس گھنٹے کے دوران جدید تشخیصی آلات کی مدد سے کورونا کے مزید 2 لاکھ 99 ہزار 275 ٹیسٹ کیے گئے ہیں‘۔

وزارت نے بیان میں کہا کہ’ پچھلے چوبیس گھنٹے کے دوران کورونا کے زیرعلاج مریضوں میں سےمزید چار مریض چل بسے ۔ مرنے والوں کی تعداد بڑھ کر ایک ہزار 896 ہوگئی ہے‘۔

بیان میں کہا گیا کہ ’ متاثرہ مریضوں میں سے مزید ایک ہزار 508 مکمل صحتیاب ہوگئے۔ صحتیاب ہونے والوں کی تعداد بڑھ کر 6 لاکھ 37 ہزار 267 ہوگئی ہے‘۔

 وزارت نے عوام کو احتیاطی تدابیر اور سماجی فاصلے کی پابندی جاری رکھنے کی پھر ہدایت کی ہے۔