بزرگ حاجیوں کو جمرات تک لانے کے لیے 500 گالف گاڑیوں کی سہولت

مکہ مکرمہ اور مشاعر مقدسہ رائل کمیشن نے کہا ہے کہ وہ بزرگ حاجیوں کو ان کے خیموں سے جمرات تک پہنچانے کے لیے  500 گالف گاڑیاں فراہم کیے ہوئے ہے-

سبق ویب سائٹ کے مطابق رائل کمیشن کا کہنا ہے کہ گالف گاڑیوں کی یہ سروس حاجیوں کو مفت اور چوبیس گھنٹے فراہم کی جارہی ہے-

رائل کمیشن کا کہنا ہے کہ یہ گالف گاڑیاں بزرگ حاجیوں اور معذوروں کو ان کے خیموں سے جمرات کے پل تک رمی کے لیے سہولت فراہم کررہی ہیں اور ایام حج کے دوران یہ خدمت فراہم کی جاتی رہے گی- یہ سہولت حجاج کی منی سے روانگی تک جاری رہے گی-

واٹس ایپ پر سعودی عرب کی خبروں کے لیے ”اردو نیوز“ گروپ جوائن کریں