کئی علاقوں میں بدھ سے آئندہ جمعرات تک درجہ حرارت کم رہے گا

سعودی عرب میں موسمیات کے قومی مرکز نے کہا ہے کہ بدھ  سے آئندہ جمعرات تک  کئی علاقوں میں درجہ حرارات کم رہے گا۔

چار علاقوں میں درجہ حرارت 6 سینٹی گریڈ اور الشرقیہ میں 9 سینٹی گریڈ  رہنے کا امکان ہے۔

عکاظ اخبار کے مطابق قومی مرکز نے بیان میں کہا کہ شمالی سعودی عرب خصوصا الجوف، حدود شمالیہ، حائل اور تبوک میں کم از کم درجہ حرارت 10 سے 6 سینٹی گریڈ کے درمیان رہنے کی توقع ہے۔

قومی مرکز کا کہنا ہے کہ مملکت کے ریاض اور القصیم میں کم از کم درجہ حرارت 11 سے 13 سینٹی گریڈ متوقع ہے جبکہ مشرقی ریجن میں کم از کم درجہ حرارت  9 سے12 سینٹی گریڈ کے درمیان  رہنے کا امکان ہے۔