سعودی قہوہ مملکت کی ثقافتی پہچان کا آئینہ دار ہے(فوٹو، ٹوئٹر)
وزیر ثقافت شہزادہ بدر بن عبداللہ بن فرحان نے کہا ہے کہ 2022 کے سال کو ’سعودی قہوے کے طور پر منایا جائے گا۔ اس حوالے سے مملکت کی شناخت اور ثقافت کو مختلف پروگراموں کے ذریعے اجاگر کیا جائے گا۔
سعودی خبررساں ادارے ’ایس پی اے‘ کے مطابق سعودی قہوہ مملکت کی ثقافتی پہچان کا آئینہ دار ہے۔ یہ اہل سعودی عرب کی فیاضی اور حسن و ضیافت کا ترجمان ہے۔
سعودی قہوہ تیار کرنے اور پیش کرنے کا عظیم الشان کلچر ہے۔ اہل سعودی عرب بڑے فخر و ناز کے ساتھ اس کی پابندی کرتے ہیں ۔
13 صوبوں میں قہوہ مختلف رنگ اور انداز سے تیار کیا جاتا ہے(فوٹو، ٹوئٹر)
وزیر ثقافت نے بتایا کہ سعودی کلچر کے اہم ستون کے طور پر سعودی قہوہ کا ہر پہلو سے تعارف کرایا جائے گا۔ وزارت ثقافت اس حوالے سے اپنی ذمہ داری ادا کرے گی ۔
سعودی قیادت چاہتی ہے کہ مملکت کے تمام ثقافتی پہلوؤں کو دنیا بھر کے سامنے لایا جائے۔ سعودی قہوہ سال منانے کا فیصلہ اسی تناظر میں کیا گیا ہے۔
مملکت کےجنوبی علاقے خولانی قہوہ کی پیداوار کےلیے مشہور ہے ۔
مملکت میں قہوہ کی کھیتی باڑی، فصل اگانے، کاٹنے، محفوظ کرنے اور مشروب کے طور پر پیش کرنے تک کے اپنے طور طریقے ہیں ۔ مملکت کی اس حوالے سے اپنی انفرادیت ہے۔
سعوی عرب کے علاقے خولانی قہوہ کی پیداوار کےلیے مشہور ہے۔ 13 صوبوں میں قہوہ مختلف رنگ اور انداز سے تیار کیا جاتا ہے۔ اسے پیش کرنے کے طور طریقے مشترک بھی ہیں اور مختلف بھی۔
