زرداری سے کوئی ناراضی نہیں،اسحاق ڈار

اسلام آباد ...وفاقی وزیر خزانہ سینیٹر اسحاق ڈار نے کہا ہے کہ سیکیورٹی چیلنجز سے نمٹنے کےلئے فوجی عدالتوں میں توسیع ضروری تھی۔ نیوز لیکس کی تحقیقات منظر عام پر لائیں گے۔آنیوالے سالوں میں پیسہ چھپا کر رکھنا مشکل ہو جائیگا۔چاہتے ہیں ماضی میں جو کچھ ہوا اس کی تصحیح ہو۔میری آصف زرداری سے کوئی نارا ضی نہیں۔ ٹی وی انٹرویو میں انہوں نے کہا کہ سیکیورٹی چیلنجز سے نمٹنے کےلئے فوجی عدالتوں میں توسیع ضروری تھی۔ پیپلزپارٹی کے 9 میں سے 4 مطالبات مسودے میں شامل کئے ہیں۔انہوںنے کہا کہ چند بیمار ذہن کے لوگوں کی وجہ سے پاکستان کا امیج خراب ہوتا ہے ،وہ الیکشن تک کبھی دھرنا اور کبھی پانا مہ کا ڈرامہ کرتے رہیں گے۔انہوں نے کہا کہ قیمتیں کنٹرول کرنے میں صوبوں کو زیادہ اختیارات حاصل ہیں۔ایک سوال پر انہوں نے کہا کہ نیوز لیکس کامعاملہ حمود الرحمان اور ایبٹ کمیشن کی طرح نہیں ہوگا۔ تحقیقات منظر عام پر لائیں گے۔انہوں نے کہا کہ سعید احمد کو میرٹ پر نیشنل بینک کا صدر لگایا گیا ۔3 نام بھیجے تھے جس میں سے وزیراعظم نے سعید احمد کا انتخاب کیا۔ انہوں نے کہا کہ 30جون 2016 تک بیرونی قرض 57 ارب ڈالر ہے، 74 ارب ڈالر میں پبلک پرائیویٹ قرض شامل ہے۔ ا نہوںنے کہا کہ 1992اور2001 کے قوانین کے تحت غیرملکی کرنسی اکاو¿نٹس کو مکمل تحفظ حاصل ہے۔