سعودی عرب میں منشیات سمگل کرنے کی کئی کوششیں ناکام، سمگلر گرفتار

سعودی عرب میں سرحدی محافظوں کے محکمے کے ترجمان کرنل مسفر القرینی نے کہا ہے کہ ’91  ٹن سے زیادہ قات (نشہ آئر پتوں)، 13.6 کلو گرام حشیش اور ایک لاکھ 60 ہزار441 نشہ آور گولیوں کی سمگلنگ کی متعدد کوششیں ناکام بنائی ہیں‘۔

سرکاری خبر رساں ایس پی اے کے مطابق ترجمان نے بتایا کہ’ نشہ آوراشیا کی سمگلنگ کی کوششیں جازان، نجران، عسیر اور تبوک ریجنوں میں کی گئی ہیں‘۔

سرحدی محافظوں کے ترجمان کا کہنا ہے کہ ’سمگلنگ کے الزام میں 128 افراد کو حراست میں لیا گیا ہے۔ ان میں سے 52 کا تعلق سعودی عرب، 76 کا دراندازوں، 38 کا ایتھوپیا، 31 کا یمن، دو کا صومالیہ، دو کا اریٹیریا، دو کا مصر اور ایک کا سوڈان سے ہے‘۔

کرنل مسفر القرینی نے بتایا کہ’ 13.6 کلو گرام حشیش، 91 ٹن 188 کلو گرام قات، ایک لاکھ 60 ہزار441 نشہ آور گولیوں کی سمگلنگ کی کوششیں ناکام بنائی گئی ہیں‘۔ 

’ملزمان کو حراست میں لے کر ابتدائی قانونی کارروائی کے بعد ضبط اشیا سمیت متعلقہ ادارے کی تحویل میں دیا گیا ہے‘۔