پاکستان کے مختلف علاقوں میں جزوی سورج گرہن کا آغاز ہو گیا ہے جو تقریباً ساڑھے پانچ بجے تک جاری گا۔
اس کے علاوہ یورپ سمیت مشرق وسطیٰ، شمالی افریقہ اور مغربی ایشیا میں سال کا دوسرا جزوی سورج گرہن دیکھا جا رہا ہے۔
منگل کو دنیا کے مختلف حصوں میں جزوی سورج گرہن پاکستانی وقت کے مطابق ایک بج کر 58 منٹ پر شروع ہوا اور چار بجے عروج پر پہنچنے کے بعد چھ بج کر 2 منٹ پر ختم ہو جائے گا۔
پاکستان کے محکمہ موسمیات کی تفصیلات کے مطابق اسلام آباد میں جزوی سورج گرہن کا آغاز تین بج کر 43 منٹ پر ہوگا، چار بج کر 50 منٹ پر عروج جبکہ 5 بج کر 22 منٹ پر اختتام ہوگا۔
مزید پڑھیں
-
سورج گرہن جب یہ چمکتی ہوئی انگوٹھی کی طرح نظر آئے گاNode ID: 571951 -
تصاویر: رواں سال کا پہلا سورج گرہن کہاں کہاں نظر آیا؟Node ID: 573021 -
سورج گرہن آج، سعودی عرب میں کب اور کہاں دیکھا جاسکے گا؟Node ID: 711966چمک
اس طرح سے لاہور میں تین بج کر 49 منٹ پر آغاز ہوگا، 4 بج کر 54 منٹ پر عروج اور 5 بج کر 20 منٹ پر ختم ہو جائے گا۔
کراچی میں جزوی سورج گرہن تین بج کر 57 منٹ پر شروع ہوگا، پانچ بج کر ایک منٹ پر عروج اور پانچ بج کر 56 منٹ پر اختتام ہوگا۔
پشاور میں تین بج کر 41 منٹ پر شروع ہوگا، چار بج کر 49 منٹ پر عروج اور پانچ بج کر 28 منٹ پر ختم ہوگا۔
کوئٹہ میں تین بج کر 44 منٹ پر جزوی سورج گرہن کا آغاز ہوگا، چار بج کر 53 منٹ پر عروج اور پانچ بج کر 51 منٹ پر اختتام ہوگا۔
امریکی خلائی ایجنسی ناسا نے ٹویٹ میں کہا کہ 25 اکتوبر کو چاند سورج کے سامنے سے گزرتے ہوئے جزوی طور پر اسے بلاک کرے گا۔
ناسا کے مطابق افریقہ، یورپ اور ایشیا کے کچھ ممالک میں رہنے والے سورج اور چاند کے درمیان رقص دیکھ سکیں گے۔
ناسا نے اپنی ویب سائٹ پر سورج گرہن کے دوران حفاظتی اقدامات لینے کا مشورہ دیتے ہوئے کہا کہ سوج کی طرف براہ راست دیکھنے کے بجائے سولر گلاسز کے ذریعے دیکھیں تاکہ آنکھوں کو متاثر ہونے سے بچایا جا سکے۔
On Oct. 25, the Moon will pass in front of the Sun, partially blocking the star for some viewers in Africa, Asia, & Europe!
This partial solar eclipse is a chance to witness the dance between the Sun, @NASAMoon, & @NASAEarth. For safe viewing info: https://t.co/z6FQZ9PVw3 pic.twitter.com/QoHvdB4QZJ
— NASA Sun, Space & Scream (@NASASun) October 24, 2022
