ریاض میں سماجی تقریب کے دوران ہوائی فائرنگ کرنے والے غیر ملکی گرفتار

سعودی عرب میں ریاض پولیس نے ایک سماجی تقریب میں خوشی کے اظہار کے لیے فائرنگ کرنے والے غیرملکیوں کو گرفتار کیا ہے۔

اخبار24 کے مطابق ریاض پولیس نے بیان میں کہا کہ ’تین مقیم غیرملکیوں نے ایک سماجی تقریب میں ہوائی فائرنگ کی۔ ملزمان کو قانون کی خلاف ورزی پر حراست میں لیا گیا ہے‘۔ 

پولیس کا کہنا ہے کہ’ تینوں ملزمان کو قانونی کارروائی کے بعد پبلک پراسیکیوشن کی تحویل میں دیا گیا ہے‘۔