پاکستان سپر لیگ (پی ایس ایل) کے نمائشی میچ میں کوئٹہ گلیڈی ایٹرز کے آل راؤنڈر افتخار احمد نے پشاور زلمی کے فاسٹ بولر وہاب ریاض کو ایک اوور میں چھ چھکے مار دیے۔
اتوار کو کوئٹہ کے بگٹی سٹیڈیم میں کوئٹہ گلیڈی ایٹرز نے پشاور زلمی کے خلاف پہلے بیٹنگ کرتے ہوئے 184 رنز بنائے اور اننگز کے آخری اوور میں افتخار احمد نے وہاب ریاض کو چھ چھکے مارے۔
افتخار احمد نے 50 گیندوں پر 94 رنز بنائے اور ناٹ آؤٹ رہے۔
کوئٹہ کی سرزمین پر افتخار احمد نے پی ایس ایل کے نمائشی میچ کے دوران وہاب ریاض کو 6 بالز پر 6 چھکے لگا دئیے
Wahab to Iftikhar Ahmed 6 Balls 6 Sixes pic.twitter.com/Wjk0ISYZe1— Fahim Akhtar Malik (@writetofahim) February 5, 2023
وجاہت کاظمی نے ایک ٹویٹ میں لکھا کہ ’افتخار احمد ایک اچھے ٹی20 پاور ہٹر بنتے جا رہے ہیں۔‘
Iftikhar Ahmed is shaping up as a really nice T20 power hitter
— Wajahat Kazmi (@KazmiWajahat) February 5, 2023
وہاب ریاض کا نام اس سے پہلے صوبہ پنجاب کے نگراں وزیرِ کھیل کے طور پر بھی سامنے آ رہا تھا اور یہی وجہ ہے کہ جب ان کے اوورز میں چھ چھکے لگے تو صارفین اس کا ذکر کیے بغیر نہ رہ سکے۔
ارسلان نصیر نے ایک ٹویٹ میں لکھا ’افتخار احمد نے وزیر کھیل وہاب ریاض کو ایک اوور میں چھ چھکے مار دیے ہیں۔‘
Iftikhar Ahmed ne sports minister Mr Wahab Riaz ko aik over mai 6 Chakkay maar diye hain ....
— Arslan Naseer (@ArslanNaseerCBA) February 5, 2023
عمیر علوی نے ایک سکرین شاٹ شیئر کیا جس میں افتخار احمد کے نام کی سپیلنگ غلط تھی۔ انہوں نے لکھا ’ان کا نام کبھی غلط سپیل نہ کریں ورنہ وہ آپ کے بہترین بولر کو ایک اوور میں چھ چھکے ماریں گے۔‘
Never spell his name incorrectly … or he will hit your best bowler for six sixes in the last over! #IftikharAhmed pic.twitter.com/cn3G1DoQDL
— Omair Alavi عمیر علوی (@omair78) February 5, 2023
افتخار احمد کے نام کے ساتھ ساتھ ’افتی مینیا‘ بھی ٹوئٹر پر ٹاپ ٹرینڈز میں شامل ہے۔
Thoroughly entertaining half-century from our Gladiator @IftiAhmed221
So guys Ifti Mania ke baare me kyaa khayal haiiiii?????#IftiMania #QGvPZ #ShaanePakistan pic.twitter.com/hf4KvNPNyW— Quetta Gladiators (@TeamQuetta) February 5, 2023
