مسجد الحرام میں بدھ کو زائرین بارش کے دوران طواف کرتے رہے

سعودی عرب مکہ مکرمہ مسجد الحرام میں بدھ کو عمرہ زائرین بارش کے دوران طواف اورعبادت میں مصروف رہے۔

ایس پی اے اور اخبار 24 کے مطابق مسجد الحرام کے صحنوں اور دلانوں میں بارش کے مناظر کی تصاویر اور وڈیو سوشل میڈیا پر وائرل ہیں۔

زائرین اور نمازی بارش کے دوران معمول کے مطابق عبادت کرتے رہے اور دعائیں کیں۔

یاد رہے کہ موسمیات کے قومی مرکز نے بدھ کو مکہ مکرمہ میں بارش کی پیشگوئی کی تھی۔

حرمین شریفین انتظامیہ نے مسجد الحرام کی خدمت پر مامور متعدد سرکاری اداروں کے تعاون سے مسجد الحرام میں بارش  کے مسائل سے نمٹنے کے لیے ہنگامی سکیموں پر عمل درآمد شروع کررکھا ہے۔

بارش کے دوران مطاف، نماز کے مقامات، داخلی راستوں پر فوری طور پر پانی کی نکاسی اور فرش خشک کیے جانے کو یقینی بنایا جارہا ہے۔