سعودی عرب میں پاکستان کے نئے سفیر احمد فاروق نے منگل کو سعودی عرب کے نائب وزیر برائے پروٹوکول امور عبدالمجید السمری کو اسناد سفارت کی کاپی پیش کردی۔
یاد رہے کہ پیر کو نئے پاکستانی سفیر احمد فاروق نے اپنے ٹوئٹر پیغام میں لکھا تھا کہ ’انہوں نے بطور پاکستان کے سفیر سعودی عرب میں چارج سنبھال لیا ہے‘۔
مزید پڑھیں
-
سعودی عرب میں پاکستان کے نئے سفیر احمد فاروق نے چارج سنبھال لیاNode ID: 766576
ان کا کہنا تھا کہ’ وہ پاکستان کے سفیر کی حیثیت سے دونوں ممالک کے درمیان تعلقات مزید مضبوط کرنے کے لیے کام کریں گے‘۔
سعودی عرب آمد سے قبل احمد فاروق نے صدر عارف علوی اور وفاقی وزیر تجارت سید نوید قمر سے بھی ملاقات کی تھی۔
ملاقات میں صدر مملکت نے کہا تھا کہ سعودی عرب کے ساتھ اقتصادی و تجارتی تعلقات مزید مضبوط بنانے کی ضرورت ہے۔
ان کا کہنا تھا کہ ‘دونوں برادر ممالک کے باہمی فائدے کے لیے تجارتی و اقتصادی تعاون کو مزید فروغ دینا ہو گا۔ پاکستان سعودی عرب کے ساتھ اپنے تعلقات کو خصوصی اہمیت دیتا ہے۔‘
وفاقی وزیر تجارت سید نوید قمر سے ملاقات میں دونوں ممالک کے درمیان تجارتی تعلقات کو بڑھانے کے طریقوں پر تبادلہ خیال کیا گیا۔
Ambassador designate of Pakistan HE @AmbFarooq presented a copy of his credentials to H.E. Abdul Majeed Al-Shamri, Deputy Minister for Protocol Affairs @KSAmofaEN #Pakistan #SaudiArabia pic.twitter.com/woU0hgsCHS
— Pakistan Embassy Saudi Arabia (@PakinSaudiArab) May 23, 2023