وزٹ ویزے کا نیا طریقہ کار، عازمین حج کتنی نقدی لا سکتے ہیں سمیت سعودی عرب میں گذشتہ ہفتے کی اہم خبریں
وزٹ ویزے کا نیا طریقہ کار، عازمین حج کتنی نقدی لا سکتے ہیں سمیت سعودی عرب میں گذشتہ ہفتے کی اہم خبریں
اتوار 28 مئی 2023 0:00
سوشل ڈیسک -اردو نیوز
گذشتہ ہفتے سعودی عرب میں حج، وزٹ ویزے کے نئے طریقہ کار، ولی عہد کی اہلیہ شہزادی سارہ کی طرف سے سائنس اینڈ ٹیکنالوجی انیشیٹو کا آغاز، تعلیمی سال کی آخری طویل چھٹی اور ابشر اکاؤنٹ پر فون نمبر کی تبدیلی سے متعلق خبریں صارفین کی توجہ کا مرکز رہیں۔
عازمین حج کے سامان میں 4 چیزوں کی اجازت نہیں
وزارت حج و عمرہ نے عازمین حج کو ہدایت دی ہے کہ وہ اپنے سفر کو آسان بنانے اور ایئرپورٹ پر کسی مشکل سے بچنے کے لیے ایسا سامان لانے سے اجتناب کریں جو بین الاقوامی سفری قوانین کے مطابق منع ہو۔
سبق ویب سائٹ کے مطابق وزارت نے ٹوئٹر پر ’مکہ و مدینہ تمہارے منتظر ہیں‘ کے عنوان سے ہیش ٹیگ جاری کیا ہے۔
سائنس، ٹیکنالوجی اور ریاضی کے شعبے جدید تقاضوں کے مطابق ہوں گے۔ (فوٹو: ایس پی اے)
ولی عہد کی اہلیہ شہزادی سارہ نے سائنس اینڈ ٹیکنالوجی کے نئے انیشیٹو کا آغاز کیا
سعودی ولی عہد شہزادہ محمد بن سلمان کی اہلیہ شہزادی سارہ بنت مشہور بن عبدالعزیز جو ’علمی‘ مرکز کے بورڈ آف ڈائریکٹرز کی چیئرپرسن بھی ہیں نے سائنس اور ٹیکنالوجی کے لیے ایک نئے مرکز’علمی‘ کے قیام کے منصوبے کا اعلان کیا ہے۔
اس انیشیٹو کا مقصد سعودی نوجوانوں میں سائنس اور ٹیکنالوجی کی سکلز کی حوصلہ افزائی کرنا ہے۔
تحقیقات ودریافت سے متعلق ’علمی‘ مرکز مکمل طورپرغیرمنافع بخش ہوگا جو ریاض کے غیرمنافع بخش محمد بن سلمان سٹی میں قائم کیاجائے گا۔ مرکز کا افتتاح 2025 میں کیا جائے گا۔
60 ہزار ریال سے زیادہ ہو تو اس کا اقرار نامہ جمع کرانا ہوگا۔ (فوٹو: سبق)
عازمین حج کتنے مالیت کی قیمتی اشیا اور نقدی لا سکتے ہیں؟
سعودی وزارت حج و عمرہ نے کہا ہے کہ’ سعودی عرب آنے والےعازمین حج اپنے ہمراہ قیمتی اشیا اور نقدی کی تفصیلات ظاہر کریں۔ ایسا کرنے سے امیگریشن اور کسٹم کارروائی آسانی اور تیزی سے نمٹانے میں مدد ملے گی‘۔
سبق ویب سائٹ کے مطابق وزارت نے ’ضیوف الرحمن‘ اکاؤنٹ پر بیان میں کہا کہ ’عازمین حج یہ بات یقینی بنائیں کہ ان کے پاس جتنا سامان اور نقدی ہے وہ 60 ہزار ریال سے زیادہ کی ہے یا نہیں ہے‘۔
بینک اکاونٹ کے ذریعے اپنے فنگرپرنٹ کو اپ ڈیٹ کرسکتے ہیں (فوٹو: عرب نیوز)
ابشر اکاونٹ پر فون نمبر کیسے تبدیل کرایا جا سکتا ہے؟
سعودی عرب میں ڈیجیٹل خدما ت کا دائرہ وسیع ہونے کے بعد سرکاری معاملات آسان ہوگئے ہیں۔
ان میں اقاموں کا اجرا، تجدید، خروج وعودہ، خروج نہائی، ڈرائیونگ لائسنس کی تجدید کے علاوہ گاڑی کی ملکیتی کارڈ ’استمارہ ‘ کی تجدید و دیگ معاملات شامل ہیں۔
ڈیجیٹل سروسز سے قبل سرکاری معاملات کے لیے جوازات اور دیگر دفاتر سے رجوع کرنا پڑتا تھا۔
