دبئی میں العلاء کی آئندہ تقریبات کے ڈیجیٹل شو کا انعقاد
دبئی میں العلاء کی آئندہ تقریبات کے ڈیجیٹل شو کا انعقاد
منگل 22 اگست 2023 18:16
مملکت کی سپر سٹار خاتون ڈی جے اپنی صلاحیتوں کا مظاہرہ کریں گی۔ فوٹو عرب نیوز
متحدہ عرب امارات میں آنے والے سیاح اور دبئی کے رہائشیوں کے لیے تھیٹر آف ڈیجیٹل آرٹس میں قدیم سعودی شہر العلاء ڈیجیٹل شو کا انعقاد کیا جا رہا ہے۔
عرب نیوز کے مطابق دبئی میں تھیٹر کا آغاز 24 اگست کو رات 9 بجے کیا جائے گا جس میں العلاء میں 2024/2023 کی تقریبات اور پروگراموں کا کیلنڈر دکھایا جائے گا۔
آئندہ سال کی ثقافتی تقریبات میں علاقائی و بین الاقوامی فنکار حصہ لیں گے۔ فوٹو عرب نیوز
سیاحوں اور مقامی باشندوں کو سعودی شہر العلاء کے تاریخی اور ثقافتی مناظر سے بھرپور یادگار دستاویزی فلم 'العلاء میں لمحات' دکھائی جائے گی۔
دبئی کے ڈیجیٹل آرٹس تھیٹر میں اس کے علاوہ میوزک گروپ ' ایم ڈی ایل بیسٹ' کے علاقائی سپرسٹارز شاندار پرفارمنس پیش کریں گے۔
دبئی میں تھیٹر کا آغاز 24 اگست کو رات 9 بجے کیا جائے گا۔ فوٹو عرب نیوز
سعودی عرب کی سپر سٹار خاتون ڈی جے بھی اپنی صلاحیتوں کا مظاہرہ کریں گی جس کے ساتھ لبنان کے معروف فنکار اور مختلف طرز کے ڈرم بیٹر دانیال صیغ بھی اپنے فن کا مظاہرہ کریں گے۔
سعودی عرب کے قدیم شہر العلاء میں 'العلاء میں لمحات' کے نام سے آئندہ سال ہونے والی ثقافتی تقریبات میں مقامی ، علاقائی اور بین الاقوامی فنکار حصہ لیں گے۔
