سعودی عرب سے چوتھا امدادی طیارہ لیبیا روانہ

لیبیا میں طوفان سے متاثریں کی امداد کے لیے سعودی عرب سے چوتھا طیارہ ریاض سے بنغازی ایئر پورٹ روانہ ہوگیا ہے۔

سبق ویب سائٹ کے مطابق چوتھے امدادی طیارے میں 50 ٹن کا سامان ہے۔

کنگ سلمان سینٹر برائے انسانی امداد کے ذمہ داران نے کہا ہے کہ ’خادم حرمین شریفین شاہ سلمان بن عبد العزیز اور ولی عہد شہزادہ محمد بن سلمان کے حکم پر لیبیا میں طوفان سے متاثرین کے لیے فضائی پل قائم کیا گیا ہے‘۔

’روانہ کئے جانے والے طیارے میں غذائی سامان ہے جس میں خشک راشن کے علاوہ کھجور اور ڈبوں میں بند غذائیں ہیں‘۔

’علاوہ ازیں میڈیکل اشیا اور خیموں کی بڑی کھیپ بھی موجود ہے‘۔