امیر قطر سے سعودی وزیر خارجہ کی ملاقات، تعلقات مضبوط بنانے کا جائزہ 

امیر قطر شیخ تمیم بن حمد آل ثانی سے منگل کو دوحہ کے ایوان امیری میں سعودی وزیر خارجہ شہزادہ فیصل بن فرحان نے  ملاقات کی ہے۔

 خبررساں ادارے  ایس پی اے کے مطابق شہزادہ فیصل بن فرحان نے شاہ سلمان بن عبدالعزیز اور ولی عہد شہزادہ محمد بن سلمان کی جانب سے خیر سگالی کا پیغام امیر قطر کو پہنچایا۔

شیخ تمیم آل ثانی  نے سعودی عرب کے دونوں رہنماؤں، سعودی حکومت وعوام کے لیے خیر سگالی کا جوابی پیغام حوالے کیا۔ 

ملاقات میں دونوں برادر ملکوں کے دو طرفہ تعلقات اور تمام شعبوں میں انہیں مزید مضبوط بنانے کے طریقوں کا جائزہ لیا گیا۔

علاوہ ازیں باہمی دلچسپی کے علاقائی و بین الاقوامی صورتحال بھی زیر بحث آئی۔

اس موقع پر قطر میں متعین سعودی سفیر شہزادہ منصور بن خالد بن فرحان اور وزیر خارجہ کے دفتر کے ڈائریکٹر جنرل عبدالرحمن الداود بھی موجود تھے۔