آج کی موسمی صورتحال، کہیں بارش اور کہیں گرد و غبار
جدہ ، مکہ شاہراہ کے بعض مقامات پررات کے آخری پہر دھند چھائی رہے گی(فوٹو، ایکس )
موسمیات کے قومی مرکز نے توقع ظاہر کی ہے کہ آج بروز جمعہ مملکت کے متعدد علاقوں میں موسم آبرآلود جبکہ کہیں کہیں بارش کا قوی امکان ہے۔
عاجل نیوز کے مطابق موسمیات کے قومی مرکز کی جانب سے جاری رپورٹ میں کہا گیا ہے کہ جمعہ کے روز عسیر ، الباحہ ، مکہ مکرمہ اورمدینہ منورہ کے بلند پہاڑی مقامات کے بعض علاقوں میں بارش جبکہ کہیں کہیں تیز ہوا کے ساتھ گرد وغبار بھی چھایا رہے گا۔
موسمیات کے مرکز کا کہنا ہے کہ مشرقی ریجن کے بعض علاقے تیز ہوا کے ساتھ گرد وغبار کی لپیٹ میں رہیں گے جس کی وجہ سے شاہراہوں پرحد نگاہ متاثر ہوسکتی ہے۔
مکہ مکرمہ کے جنوبی ساحلی علاقوں میں رات کے آخری پہر دھند چھائی رہے گی جبکہ جدہ ، مکہ مکرمہ شاہراہ پربھی صبح سویرے اوررات کے آخری پہر بعض مقامات پرگہری جبکہ کہیں کہیں ہلکی دھند رہے گی۔
