سعودی عرب میں گرمی کی شدت میں کمی آنے لگی، کئی علاقوں میں بارش کا امکان

سعودی عرب کے قومی مرکز برائے موسمیات کے ماہر عقیل العقیل نے کہا ہے کہ’ مملکت کے مختلف علاقوں میں گرمی کی شدت میں کمی آ رہی ہے‘۔ 

’ریاض میں رواں ہفتے کے آغاز سے درجہ حرارت میں نمایاں کمی ہورہی ہے۔ شام کے وقت درجہ حرارت 19 ڈگری سینٹی گریڈ تک پہنچ رہا ہے‘۔ 

الاخباریہ چینل سے گفتگو کرتے ہوئے ماہر موسمیات عقیل العقیل نے مزید کہا ’زرعی علاقوں اورالدرعیہ میں درجہ حرارت 19 ڈگری سے بھی کم ہورہا ہے‘۔ 

ان کا کہنا تھا’ موسم گرما کے آخری ایام میں اس کے ساتھ  مملکت کے وسطی علاقوں میں بھی درجہ حرارت میں نمایاں کمی ہونا شروع ہوجائے گی‘۔

علاوہ ازیں مملکت کے کئی علاقوں میں بارش اور گرد آلود ہواوں کا سلسلہ جاری ہے۔

جازان،عسیر، باحہ اور مکہ ریجکن کے کچھ علاقوں میں تیز ہواوں کے ساتھ بارش اور ژالہ باری کا امکان ہے۔