مکہ مکرمہ ریجن کے سکولوں میں سرما کے اوقات پر عمل

مکہ مکرمہ ریجن کے تمام سکولوں اور تعلیمی اداروں میں سرما کے اوقات پر عمل کیا جائے گا۔

سبق ویب سائٹ کے مطابق فیصلے پر عملدرآمد آئندہ ہفتے سے ہوگا۔

مکہ مکرمہ ریجن میں محکمہ تعلیم نے کہا ہے کہ ’ریجن کے تمام سکولوں میں اسمبلی صبح 7 بجکر 15 منٹ پر ہوا کرے گی‘۔

محکمے نے کہا ہے کہ’آئندہ ہفتے سے پہلی کلاس کا آغاز ٹھیک ساڑھے 7 بجے ہوگا‘۔

محکمے نے واضح کیا ہے کہ ’شام کے سکولوں میں اسمبلی ٹھیک ایک بجے دوپہر کو ہوگی جبکہ پہلی کلاس ایک بجکر 15 منٹ پر شروع ہوگی‘۔

محکمے نے کہا ہے کہ ’سرما کے أوقات پر عمل کا آغاز اتوار 12 نومبر سے ہوگا‘۔