’مملکت کے کئی علاقوں میں سردی کی لہر جاری رہے گی‘

سعودی عرب میں موسمیات کے قومی مرکز کا کہنا ہے’ مملکت کے بیشتر علاقوں میں سردی کی لہر جاری رہنے کا امکان ہے۔‘

ایس پی اے کے مطابق کم سے کم درجہ حرارت صفر سے منفی تین ڈگری سینیٹی گریڈ تک رہے گا۔ قومی مرکز نے مملکت کے شمالی علاقے میں دھند کا بھی امکان ظاہر کیا۔

موسمیاتی رپورٹ میں کہا گیا کہ ’حدود الشمالیہ کی طریف گورنریٹ میں سب سے کم درجہ حرارت مائنس دو ڈگری سینٹی گریڈ ریکارڈ کیا گیا۔‘

بیان میں خبر دار کیا گیا کہ ’طریف کا علاقہ اتوار سے شروع ہونے والی سردی کی لہر سے متاثر ہوا، یہ لہر ہفتے کے آخر تک جاری رہے گی۔‘

ایس پی اے نے شدید سردی میں پودوں پر کرسٹل کے جمنے کی تصاویر شیئر کی ہیں، طریف ان دنوں سرد موسم کی زد میں ہے۔