العلا سائیکل ٹریک: افتتاح کے موقع پر 1000 سائیکلوں کا تحفہ
العلا سائیکل ٹریک: افتتاح کے موقع پر 1000 سائیکلوں کا تحفہ
جمعرات 30 نومبر 2023 16:40
سعودی عرب کے تاریخی شہر العلا میں 45 کلومیٹر کے نئے سائیکل ٹریک کے افتتاح کے موقع پر روڈ سیفٹی اور سائیکلنگ کورس کے شرکا کو ایک ہزار سے زیادہ سائیکلیں دی گئی ہیں۔
سعودی سرکاری نیوز ایجنسی ایس پی اے کے مطابق العلا سائیکلسٹ کلب کے 200 اراکین کے علاوہ مقامی رہائشیوں نے بھی تقریب میں حصہ لیا۔
العلا ویژن کے تحت بین الاقوامی مقابلوں کو وسعت دی جا رہی ہے۔ فوٹو عرب نیوز
اس موقع پر سائیکل سواری کے شوق کو فروغ دینے کے لیے بنائے گئے خصوصی سائیکل ٹریک کو استعمال کرنے کے لیے 150 طلبا بھی موجود تھے۔
سائیکلنگ کے لیے بنایا گیا خصوصی راستہ العلا ویژن اور کھیلوں کے شعبے کی حکمت عملی کا حصہ ہے جس کا مقصد معیار زندگی کو بہتر بنانے والی سرگرمیوں کو فروغ دینا ہے۔
سائیکل ٹریک استعمال کرنے والوں میں 150 طلباء بھی موجود تھے۔ فوٹو عرب نیوز
العلا ویژن کے تحت علاقے میں مختلف قسم کے کھیلوں کی سرگرمیوں میں حصہ لینے والوں کی تعداد میں اضافے کے ساتھ ساتھ بین الاقوامی مقابلوں کو وسعت دی جا رہی ہے۔
سعودی عرب کی مزید خبروں کے لیے واٹس ایپ گروپ جوائن کریں
