سعودی فورسز اور امریکی میرین کی لاجسٹک مشقیں

سعودی رائل آرمڈ فورسز اس ہفتے امریکی میرین کور کے ساتھ  لاجسٹک مشقیں’اینگر 2024‘ میں حصہ لینے کی تیاری کررہی ہے۔

وزارت دفاع نے بیان میں کہا کہ’ لاجسٹک مشقیں ینبع اور الخرج گورنریٹس میں کی جائیں گی‘۔

بیان میں کہا گیا کہ’ مشقوں کا مقصد حصہ لینے والی سویلین ایجنسیوں کے ساتھ مربوط کام کی تربیت اور دوطرفہ فوجی آپریشنل اور سپلائی منصوبوں پر عملدرآمد کرنا ہے‘۔

یاد رہے کہ مملکت کے مشرقی ریجن کے ظھران گورنریٹ میں سعودی، امریکی مشترکہ مشقیں ’حفاظتی ڈھال 4 ‘ کا بھی آغاز ہوا ہے۔

مشترکہ دستوں کے کمانڈر میجر جنرل ترکی سالم الاسمری کا کہنا ہے کہ ’حفاظتی ڈھال 4 ‘ کا مقصد شریک اہلکاروں کو مختلف نوعیت کے چیلنجز سے نمٹنے اور جدید ہتھیاروں سے مقابلہ کرنے کی مہارت پیدا کرنا ہے‘۔