برطانیہ میں شوٹنگ چیمپئن شپ، تین گولڈ سمیت 11 تمغے پاکستان کے نام

برطانیہ میں ہونے والی شوٹنگ چیمپئن شپ 2024 میں پاکستانی ٹیم نے تین گولڈ، چار سلور اور چار کانسی کے تمغے حاصل کیے ہیں۔

لانگ رینج شوٹنگ چیمپئن شپ ( 3 سے 8 ستمبر) برطانیہ کے لیجنڈری بسلی رینجز میں منقعد کی گئی۔ شوٹنگ چیمپئن شپ میں 18 ممالک کے تقریباً 160 عالمی معیار کے نشانہ بازوں  نے حصہ لیا۔

چیمپئن شپ  کے دوران پاکستان کی جانب سے 18 نشانے بازوں کے دستے نے پاکستان کی نمائندگی کی۔

مختلف چیلنجز اور پیشہ وارانہ صلاحیتوں سے لیس پاکستانی ٹیم نے شاندار کارکردگی دکھائی۔

 گولڈ میڈل جیتنے والوں میں جنید خٹک اور احمد جاوید شامل تھے۔ ایف ٹی آر کیٹیگری میں پاکستانی ٹیم نے انفرادی تمغوں کے متعدد انعام جیتے

پاکستان نے چیمپئن شپ کے مجموعی ٹاپ 10 میں تین پوزیشنز حاصل کرتے ہوئے ٹاپ انفرادی شوٹرز میں بھی نمایاں کارکردگی دکھائی۔