جدہ کے معروف مال میں غیر ملکی گداگر گرفتار

قانون نافذ کرنے والے اداروں نے جدہ کے معروف مالز اور کار پارکنگ علاقے میں متعدد غیر ملکی گداگر گرفتار کئے ہیں۔

سبق ویب سائٹ کے مطابق جدہ کے ایک مال کے دروازے کے پاس دو مصری خواتین کو گرفتار کیا ہے۔

پولیس نے کہا ہے کہ ’مذکورہ خواتین مال میں آنے والے لوگوں کی ہمدردی حاصل کرنے کی کوشش کر رہی تھیں‘۔

پولیس نے کہا ہے کہ ’اسی مال کے کار پارکنگ ایئر میں ایک تیسری خاتون کو گرفتار کیا ہے جس کے ساتھ ایک بچی بھی تھی‘۔

’خاتون اور بچی بیماری اور محتاجی کے بہانے گداگری کر رہے تھے‘۔

ادارہ انسداد گداگری نے کہا ہے کہ ’رہائشی گداگروں کے ساتھ کسی قسم کی ہمدردی نہ کریں اور اس منفی رویہ کو ختم کرنے کے لیے تعاون کریں‘۔