سلمان خان کی دبئی کے مال میں شاپنگ، لوگوں کے ساتھ تصاویر بنوائیں

حال ہی میں ممبئی سے دبئی جانے والے بالی وڈ کے اداکار سلمان خان کو شہر کے ایک مال میں شاپنگ کرتے دیکھا گیا۔ ان کی مال کے اندر ٹہلتے ہوئے کئی ویڈیوز اور تصاویر سوشل میڈیا پلیٹ فارمز پر سامنے آئیں۔

ہندوستان ٹائمز کے مطابق ایک ویڈیو میں سلمان کو اپنے باڈی گارڈ شیرا اور ان کی ٹیم کے دیگر ارکان کے ساتھ مال کے اندر چہل قدمی کرتے ہوئے دیکھا گیا۔ انہوں نے وہاں کئی لوگوں سے بات کی۔ ایک اور کلپ میں سلمان کو ایک سٹور کے اندر دیکھا گیا جب وہ ٹراؤزر چیک کر رہے تھے۔

سلمان کی جیسن ڈیرولو سے ملاقات 

ایک مداح نے ایکس (سابقہ ​​ٹوئٹر) پر سلمان کی تصویر شیئر کی۔ اس میں انہوں نے گلوکار، نغمہ نگار اور ڈانسر جیسن ڈیرولو اور دو دیگر خواتین کے ساتھ پوز دیا۔ کیپشن میں لکھا تھا کہ ’میگا اسٹار سلمان خان اور جیسن ڈیرولو کی ایک اور تصویر دبئی میں فینگرلز کے ساتھ۔‘

دبئی کے اپنے مختصر سفر کے بعد سلمان سنیچر کو ممبئی واپس آئے۔ انہیں ممبئی ایئر پورٹ سے باہر نکلتے ہوئے دیکھا گیا، ان کے چاروں طرف سکیورٹی اہلکار تھے۔ سفر کے لیے سلمان نے نیوی بلیو شرٹ، کالی پینٹ اور جوتے پہنے۔ سلمان جمعرات کو دبئی گئے تھے۔

شائقین سلمان کو اگلی فلم سکندر میں دیکھیں گے۔ یہ فلم سلمان اور ساجد ناڈیاڈوالا کی پچھلی کامیاب فلموں ’کک‘، ’جھگڑا‘ اور ’مجھ سے شادی کروگی‘ کے بعد دوبارہ ایک نئے ملاپ کی نشاندہی کرتی ہے۔ اے آر مروگاداس کی ہدایت کاری میں بننے والی یہ فلم اگلی عید پر ریلیز ہو گی۔