عسیر میں 11 کلو چرس سمگل کرنے کی کوشش ناکام

بری سرحدی سیکیورٹی فورس عسیر ریجن نے 11 کلو چرس سمگل کرنے کی کوشش ناکام بنادی ہے۔

سبق ویب سائٹ کے مطابق کارروائی ظہران الجنوب کے پہاڑی علاقے میں ہوئی ہے۔

سرحدی سیکیورٹی فورس نے کہا ہے کہ ’غیر قانونی طور پر سرحد عبور کرنے والے تارکین چرس سمگل کرنے کی کوشش کر رہے تھے‘۔

سیکیورٹی فورس نے کہا ہے کہ ’ضبط شدہ منشیات ادارہ انسداد منشیات کے حوالے کردی گئی ہے‘۔

سیکیورٹی فورس نے سرحدی علاقوں کے رہائشیوں کو ہدایت کی ہے کہ کہیں بھی کوئی مشکوک سرگرمی نظر آئے یا علاقے سے اجنبی افراد دکھائی دیں تو فوری طورپر مطلع کردیا جائے۔