طائف : ٹرالرکے ٹکرانے سے پل تباہ ، جانی نقصان نہیں ہوا
ٹرالر کے لوڈنگ کیبن کے ہائیڈرالک سسٹم میں خرابی سے حادثہ پیش آیا(فوٹو، ایکس )
طائف : ٹرالر پل سے ٹکرا گیا ، جانی نقصان نہیں ہوا
طائف میں ٹرالر کے ہائیڈرالک سسٹم میں پیدا ہونے والی فنی خرابی حادثے کا سبب بن گئی۔ ٹرالر کا لوڈنگ کیبن کھل کر پیدل چلنے والوں کے بنے پل سے ٹکرا گیا۔
سبق نیوز کے مطابق حادثے میں کسی قسم کے جانی نقصان کی اطلاع نہیں ملی۔ حادثہ جس وقت پیش آیا پل کے اوپر کوئی نہیں تھا ۔ ٹرالر کا لوڈنگ کیبن لکڑی کے پل سے ٹکرایا جس سے پل کا بڑا حصہ ٹوٹ کر گر گیا۔
بلدیہ طائف کی جانب سے جاری بیان میں کہا گی ہے کہ حادثے میں کسی قسم کا جانی نقصان نہیں ہوا صرف پل اور ٹرالر کا نقصان ہوا ہے جس کا تخمینہ لگایا جارہا ہے۔
حادثے کی اطلاع ملتے ہیں ٹریفک پولیس نے روڈ کو عام ٹریفک کے لیے بند کرکے گاڑیوں کے لیے متبادل راستے کا انتظام کردیا تاکہ ٹریفک کی روانی متاثر نہ ہو۔
