سعودی عرب اور اردن کی سرحد کے قریب حادثہ، چار ہلاک، دو زخمی
سعودی اور اردنی شہریوں کی گاڑیاں آپس میں ٹکرا گئیں۔ (فوٹو: اخبار24)
سعودی عرب اور اردن کی سرحد کے قریب دو گاڑیوں کے درمیان تصادم میں چار اردنی شہری ہلاک اور دو سعودی زخمی ہوگئے، ایک کی حالت تشویشناک ہے۔
اخبار24 کے مطابق اتوار کی رات ساڑھے دس بجے اردن کے الازرق گورنریٹ اور سعودی عرب کے ساتھ العمری بارڈر کراسنگ کے درمیان حادثہ پیش آیا۔
سعودی اور اردنی شہریوں کی گاڑیاں آپس میں ٹکرا گئیں۔
زخمیوں کو الزرقا کے سرکای ہسپتال میں داخل کرایا گیا ہے جبکہ مرنے والوں کی نعشیں ان کے ورثا کے حوالے کردی گئیں۔
اردن کے سکیورٹی حکام نے واقعہ کی تحقیقات شروع کردیں۔
اردن کی پبلک سکیورٹی ڈائریکٹوریٹ کے میڈیا ترجمان نے ٹریفک حادثے میں ہلاکتوں کی تصدیق کی ہے۔
مملکت میں ٹریفک حادثات سے اموات میں 54 فیصد کمیNode ID: 875311
