جازان میں غیر ملکی سمگلر گرفتار، 80 کلو قات ضبط

جازان میں سیکیورٹی فورس نے ایک غیر ملکی سمگلر کو گرفتار کیا ہے جس کے قبضے سے 80 کلو نشہ آور پودہ قات ضبط ہوا ہے۔

سبق ویب سائٹ کے مطابق سیکیورٹی فورس نے کہا ہے کہ ’گرفتار شدہ شخص پاکستانی تارک وطن ہے‘۔

سیکیورٹی فورس نے کہا ہے کہ ’مذکورہ شخص سے تفتیش جاری ہے اور ضابطے کی کارروائی مکمل کرنے کے بعد اسے متعلقہ ادارے کے حوالے کردیا جائے گا‘۔

سیکیورٹی فورس نے سرحدی علاقوں کے رہائشیوں کو ہدایت کی ہے کہ علاقے میں جہاں کہیں بھی مشکوک افراد نظر آئیں تو ان کے متعلق اطلاع کردی جائے۔