جازان ایئرپورٹ پر جعلی پاسپورٹ پر آنے والا ایشیائی گرفتار

جازان کے ملک عبداللہ  انٹرنیشنل ایئرپورٹ حکام نے جعلی پاسپورٹ پر آنے والے ایک ایشیائی مسافر کو گرفتار کیا ہے۔

عاجل نیوز کے مطابق جازان ایئرپورٹ کے محکمہ پاسپورٹ حکام اپنے ایکس (ٹوئٹر) اکاؤنٹ پر اس بارے میں تفصیلات جاری کردی ہیں۔

تفصیلات کے مطابق جعلی پاسپورٹ پر آنے والا مسافر پاکستانی شہری ہے۔ جعل سازی ثابت ہونے پر اس کے خلاف قانونی کارروائی مکمل کرلی گئی۔

واضح رہے کہ سعودی عرب کے متعلقہ حکام ایئرپورٹس، بندرگاہوں اور بری سرحدی چیک پوسٹوں کے راستے غیر قانونی طریقے سے یا جعلسازی کے ذریعے مملکت میں داخلے کی کوشش کرنے پر گرفتار کرچکے ہیں۔

واٹس ایپ پر سعودی عرب کی خبروں کے لیے ”اردو نیوز“ گروپ جوائن کریں