انڈین تارک پر چھری سے حملہ کر کے لوٹنے والا شخص گرفتار

ریاض پولیس نے کہا ہے کہ انڈین تارک وطن پر چھری سے حملہ کرکے لوٹنے والا غیرملکی گرفتار کیا گیا ہے۔

سبق ویب سائٹ کے مطابق پولیس نے بتایا ہے کہ ’گرفتار شدہ حملہ آور شخص پاکستانی تارک وطن ہے۔‘

’گرفتار شدہ شخص نے انڈین تارک وطن پر حملہ کرکے اس سے رقم چوری کی اور موقعے سے فرار ہوگیا تھا۔‘

’پولیس نے ریکارڈ وقت میں اس کا سراغ لگا کر اسے گرفتار کرلیا ہے۔‘

پولیس نے کہا ہے کہ ’مذکورہ شخص سے تفتیش جاری ہے اور ضابطے کی کارروائی مکمل کرنے کے بعد اسے پبلک پراسیکیوشن کے حوالے کردیا جائے گا۔‘