امارات میں دسمبر 2024 کے لیے پٹرول کے نئے نرخ کیا ہیں؟

متحدہ عرب امارات میں سنیچر کو دسمبر 2024 کے لیے پٹرول کے نرخوں کی منظوری دی گئی ہے۔ 

فیول پرائس کمیٹی کے مطابق نئی قیمتوں کا اطلاق یکم دسمبر سے ہوگا۔ گذشتہ ماہ کے مقابلے میں نرخوں میں کمی کی گئی ہے۔

امارات میں پٹرول و ڈیزل کے نرخ اس سال سب سے کم ترین سطح پر ہیں۔

پٹرول سپر 98 کی نئی قیمت 2.61 درہم فی لٹر مقرر کی گئی ہے جو نومبر میں 2.74 درہم فی لٹر میں فروخت کیا جا رہا تھا۔

 سپیشل 95 جو نومبر میں 2.63 درہم فی لٹر دستیاب تھا، اس کی نئی قیمت 2.50 درہم فی لٹر مقرر کی گئی ہے۔

ای پلس 91 کمی کے بعد اب 2.43 فی لٹر میں دستیاب ہوگا۔ نومبر میں اس کی قیمت 2.55 درہم فی لٹر تھی۔

 ڈیزل کی نئی قیمت 2.68 درہم فی لٹر ہوگی۔ ڈیزل کی قیمت نومبر میں 2.67 درہم فی لٹر تھی۔