سعودی عرب کی میزبانی میں فیفا ورلڈ کپ 2034 منفرد ہوگا: رونالڈو

النصر فٹبال کلب کے کھلاڑی سٹار فٹبالر کرسٹیانو رونالڈو نے کہا ہے کہ سعودی عرب کی میزبانی میں 2034 میں ہونے والا ورلڈ کپ فٹبال کی تاریخ کا بہترین ٹورنامنٹ ہوگا۔

سبق ویب سائٹ کے مطابق انہوں نے کہا ہے کہ ’سعودی عرب میں ہر چیز شاندار ہے‘۔

’یہاں کے سٹیڈیم  بہترین ہیں اور سب سے بڑھ کر یہاں کے فٹبال شائقین منفرد ہیں‘۔

انہوں نے کہا ہے کہ ’ہم سب کو مل کر آگے بڑھنا ہے، صرف فٹبال میں ہی نہیں بلکہ زندگی کے تمام شعبوں میں بھی ترقی کرنی ہے‘۔

رونالڈو نے کہا ہے کہ ’سعودی شہری شاندار ہیں اور ہر سال یہاں دنیا کے بہترین کھیلوں کی میزبانی ہوتی ہے‘۔

انہوں نے کہا کہ ’یقینا میں سعودی عرب میں ہونے والے ورلڈ کپ میچ دیکھوں گا‘۔