کراچی سمیت کئی شہروں میں تعینات نئے سعودی قونصل جنرل نے حلف اٹھا لیا

 پاکستان کے شہر کراچی سمیت کئی ملکوں میں نئے تعینات ہونے والے سعودی قونصلر جنرل سے حلف اٹھا لیا۔

نئے قونصل جنرل نے بدھ کو وزارت کے ہیڈکوارٹر میں سعودی وزیر خارجہ شہزادہ فیصل بن فرحان کے سامنے حلف اٹھایا۔

ایس پی اے کے مطابق محمد بن نواز العتیبی کو ایران کے شہر مشہد، مازن بن حمد الحملی کو ہانگ کانگ، محمد بن ناصر السبعی کو پاکستان کے شہر کراچی  اور ماجد بن علی الزویمل کو جرمنی کے شہر فرینکفرٹ میں قونصل جنرل مقرر کیا گیا ہے۔

نئے سعودی قونصل جنرل نے حلف اٹھاتے ہوئے کہا کہ’ وہ اپنے دین، اپنے بادشاہ اور وطن کے ساتھ مخلص رہیں گے۔ ریاست کا کوئی راز فاش نہیں کریں گے۔ ریاستی مفادات اور قوانین کا اندرون اور بیرون ملک تحفظ اور اپنے فرائض سچائی، ایماندار اور اخلاص سے انجام دیں گے۔‘

حلف برداری کے تقریب میں وزیر خارجہ کہ معاون وزر برائے انتظامی امور عبدالہادی المنصوری اور وزارت کی ایجنسی برائے پروٹوکول امور میں ڈپلفومیٹک کور افیئرز کے ڈائریکٹر جنرل علی الشھری نے شرکت کی۔