ایران سعودی عرب کے ساتھ معاشی تعلقات بڑھانے کرنے کے لیے تیار ہے: وزیر

ایران کے وزیر برائے خزانہ اور معاشی امور نے کہا ہے کہ ایران سعودی عرب کے ساتھ سرمایہ کاری اور معاشی تعلقات بڑھانے کے لیے تیار ہے۔

تاہم ان کا کہنا تھا کہ اس معاملے پر پیش رفت دونوں ممالک کی رضامندی سے مشروط ہے۔

سعودی عرب کے تاریخی شہر العلا میں ’ایمرجنگ مارکیٹ اکانومیز کانفرنس‘ کے سائیڈ لائن پر عرب نیوز سے گفتگو کرتے ہوئے ایران کے وزیر خزانہ عبدالنصر ہمتی نے کہا کہ دونوں ممالک کے درمیان تجارت کو بڑھانے کے لیے مخصوص معاہدے ضروری ہیں۔

’ہم دونوں ممالک کے درمیان معاشی تعلقات، سرمایہ کاری میں اضافے اور مشترکہ منصوبے شروع کرنے کے لیے تیار ہیں۔ لیکن اس کا انحصار ان  پر ہے اور خطے کی صورتحال اس طرف جاری رہی ہے۔ ہمیں ہر ایک سے بہتر تعلقات رکھنے چاہیں۔‘

ایرانی وزیرخزانہ کا کہنا تھا کہ ’تجارت شروع کرنے اور بڑھانے کے لیے، ہمیں چند معاہدوں کی ضرورت ہیں۔ بنیادی معاہدہ دوہرے ٹیکسوں کو ختم کرنے، دو طرفہ سرمایہ کاری اور کسٹمز رولز کے بارے میں ہے۔‘

ایرانی وزیرخزانہ نے ایران کے پڑوسی ممالک بشمول سعودی عرب، قطر اور عمان کے ساتھ تعلقات بہتر کرنے کے عزم کو اجاگر کیا۔

عبدالنصر ہمتی نے کہا کہ پہلا اہم معاملہ یہ ہے کہ بہتر ہوتے سیاسی تعلقات دونوں ممالک کے درمیان معاشی تعلقات کی بہتری کا سبب بنے۔

عبدالنصر ہمتی نے بیرونی مداخلت کے خلاف خطے کے ممالک کے درمیان مضبوط معاشی تعلقات کی اہمیت پر زور دیا۔

ایرانی وزیر کا کہنا تھا کہ خطے کی خودمختاری کو قائم رکھنے اور استحکام کے لیے مضبوط معاشی تعاون بہت ضروری ہے۔