سعودی وزیر داخلہ سے انٹرنیشنل آرگنائزیشن آف مائیگریشن کی ڈائریکٹر جنرل کی ملاقات کی

سعودی وزیر داخلہ شہزادہ عبدالعزیز بن سعود بن نایف سے پیر کو ریاض میں وزارت کے ہیڈ کوارٹر میں انٹرنیشنل آرگنائزیشن آف مائیگریشن کی ڈائریکٹر جنرل ایمی پوپ نے ملاقات کی ہے۔

ایس پی اے کے مطابق ملاقات کے دوران باہمی دلچسپی کے متعدد امور پر تبادلہ خیال کیا گیا۔

اس موقع پر معاون وزیر داخلہ ڈاکٹر ھشام عبدالرحمن الفالح اور وزارت کے دیگر عہدیدار بھی موجود تھے۔

علاوہ ازیں سعودی وزیر داخلہ نے پیر کو وزارت کے دفتر میں اقوام متحدہ کے سییکرٹری جنرل کے خصوصی نمائندے کمال کشور کا خیرمقدم کیا۔

ملاقات میں مشترکہ دلچسپی کے امور پر تبادلہ خیال کیا گیا۔

قبل ازیں سعودی وزیر ممکت برائے خارجہ اور موسمیاتی امور کے ایلچی عادل الجبیر سے بھی انٹرنیشنل آرگنائزیشن آف مائیگریشن کی ڈائریکٹر جنرل ایمی پوپ نے ملاقات کی۔

ملاقات میں سعودی عرب اور آرگنائزیشن کے درمیان تعاون بڑھانے کا جائزہ اور مشترکہ دلچسپی کے امور پر تبادلہ خیال کیا گیا۔