حکومتی شعبے پر اعتماد، سعودی عرب عالمی رینکنگ میں آگے

ایڈل مین ٹرسٹ بیرو میٹر 2025 کی رپورٹ میں کہا گیا ہے کہ مملکت کے حکومتی شعبے کو اعتماد کے حوالے سے عالمی سطح پر رینکنگ حاصل ہو گئی ہے۔

سعودی خبر رساں ادارے کے مطابق رپورٹ میں کہا گیا ہے سعودی عرب کے حکومتی سیکٹر کی عالمی سطح پر رینکنگ 87 فیصد ریکارڈ کی گئی جو بہت سے ترقی یافتہ ممالک سے زیادہ ہے۔

ایڈل مین ٹرسٹ بیرو میٹر کی جانب سے حکومتی اداروں پر عوام کے اعتماد کا جائزہ لینے کے بعد رپورٹ مرتب کی جاتی ہے۔

رپورٹ میں کہا گیا ہے کہ سعودی عرب کے سرکاری اداروں پر عوام کے اعتماد میں مسلسل اضافہ ریکارڈ کیا گیا۔

رینکنگ کے حوالے سے سعودی عرب بعض ترقی یافتہ ممالک سے بھی بازی لے گیا ہے۔

اعداد و شمار کے مطابق درجہ بندی میں امریکہ 47 فیصد، جرمنی 41 فیصد، برطانیہ کا تناسب 43 فیصد رہا جبکہ سعودی عرب کا تناسب ان سب سے زیادہ یعنی 87 فیصد تک پہنچ گیا۔